Félagið var að fá sendingu sem hafði að geyma hluta af jólakortunum frá börnunum á Indlandi.  Þessi jólakort ættu að berast styrktarforeldrum viðkomandi barna á næstunni.  Vonandi skilar restin af jólakortunum sér til landsins fyrir jól.

Þess má geta að 8 vakir sjálfboðaliðar leggja í ferð til Indlands þann 13 janúar n.k. og þeir sem vilja nota ferðina til að koma einhverjum pakka eða umslagi til fósturbarna eða heimila geta haft sambandi við Sólveigu annað hvort í netfantið solveigjonas(hjá)gmail.com eða síma 693-6810

Vinum Indlands hafa borist nokkur fréttabréf á ensku frá heimilum sem studd eru af styrktarforeldrum í gegnum Vini Inlands.  Hægt er að nálgast fréttabréfin með því að smella á eftirfarandi tengla:

Fréttabréf frá Erode heimilinu.

Fréttabréf frá Salem heimilinu.

Fréttabréf frá Posum Kudil heimilinu.

Í nóvember sl. hófst tilraun með fjarnám á einni af þeim fræðslumiðstöðvum sem Vinir Indlands er að styrkja á Indlands.  Í fyrsta námskeiðinu eru 20 nemendur.  Um er að ræða verslunarnám sem leiðir til eins konar verslunarprófs sem gera á nemendurnar hæfa til þess að starfa í verslun og þjónustufyrirtækjum, sem sölumenn, markaðsfólk, afgreiðslustörf í verslunum.   Verslunarnámsefni þetta er hannað af Kanadísku fyrirtæki í samvinnu við heimamenn.

Þetta fjarnám mun einnig vera í boði fyrir lítt menntaða verkamenn sem hugsanlega er hægt að hjálpa með því að bjóða þeim upp á þennan möguleika til starfþjálfunar.  Á Indlandi eru verslunarstörf mun betur launuð heldur en ófaglærð landbúnaðarstörf.  Mikið er um fyrrverandi landbúnaðarverkamenn í fátækrahverfum stórborga á Indlandi.  Þetta fólk hefur leitað þangað eftir vinnu en möguleikar þeirra á atvinnumarkaði í borgum eru slæmir þar sem þeir hafa enga reynslu af verslunar- og þjónstustörfum.  Með svona fjarnámi má bæta úr því.

Til þess að fjarnám þetta sé mögulegt þarf fartölvur.   Ef þú átt eða veist um notaða fartölvur sem þú ert tilbúinn til þess að gefa í þetta verkefni þá væri það vel þegið.  EF einhverjar fartölvur verða gefnar í þetta verkefni þá er ráðgert að íslensku sjálfboðaliðarnir sem fara út til Indlands í janúar taki þær með sér og afhendi þær í fræðslumiðstövunum.  Til viðbótar fræðslumiðstöðvunum þá vantar einnig fartölvur á heimili barna því mikilvægt er að þau læri á tölvur.

Ef einhver vill gefa notaða fartölvu í þetta verkefni þá vinsamlegast sendið okkur tölvupóst á postur(hjá)vinirindlands.is

Ef þú átt ekki gamla fartölvu til þess að leggja í þetta verkefni en langar að leggja þessu verkefni lið þá er námskeiðsgjaldið fyrir hvern nemanda í þessu verslunarnámi c.a. 7.000 íslenskar krónur.  Þannig að það er líka mögulegt að gefa mjög fátækum einstaklingum færi á að komast í þetta fjarnám.

Undanfarið hafa verið haldin námskeið í forvörnum gegn kynferðislegu ofbeldi og öðru ofbeldi gegn börnum á öllum heimilum barna sem Vinir Indlands eru að styrkja á Indlandi. Indverskir samstarfsaðilar okkar hafa séð um þessa fræðslu.  Svona fræðsla er mjög vandasöm og vorum við heppin að til starfans var valin mjög hæf indversk fyrrverandi lögreglukona. Þegar námskeiðahaldið var í undirbúningi naut hún fræðslu frá samtökunum Blátt áfram þannig að fræðslan var að hluta til byggð á fræðsluefni sem kennt er hér á landi.  Þessi aðstoð var mikils virði fyrir okkur í Vinum Indlands og eru við mjög þakklát Blátt áfram fyrir það.  Auk þess að halda fyrirlestra fyrir drengi og stúlkur í aðgreindum hópum þá ræddi leiðbeinandinn einslega við öll börnin um þessi mál.

Ferðin er sérstaklega ætluð ungum sjálfboðaliðum en aldurstakmark er 20 ár. Dvalið er í þremur löndum, Indlandi, Kenía og Tansaníu, í samtals 2 mánuði, þar sem sjálfboðaliðarnir taka þátt í starfi ýmissa félagasamtaka sem starfa innan IHA (International Humanist Alliance).

Á meðal verkefna eru:

• Eftirlit og umönnun munaðarlausra barna. Sjálfboðaliðarnir heimsækja og dvelja á heimilum fyrir munaðarlaus börn bæði í Indlandi, Kenía og Tansaníu og taka þátt í daglegu starfi heimilanna.

• Forvarnir og fræðsla um HIV smit í Kenía og Tansaníu. Sjálfboðaliðar, ásamt þarlendum jafnöldrum, heimsækja HIV smituð börn og fullorðna og taka þátt í fræðslu meðal ungs fólks um HIV smit.

• Ýmis verkefni sem tengjast ræktun, vatnsöflun o.fl.

Auk þess verða heimsóttir áhugaverðir staðir, s.s. hof hindúa í Indlandi og Serengeti þjóðgarðurinn í Tansaníu.

Áður en lagt er af stað sækja sjálfboðaliðarnir 2 helgarnámskeið þar sem fræðst verður um verkefnin og grundvöll starfsins.

Fyrra námskeiðið verður haldið 28.-29. september 2013, frá kl. 10:00 - 15:00.

Múltíkúltí, Barónstíg 3, 101 Reykjavík.

Skráning hjá kjartan@islandia.is (s. 8996570)

Hér er hægt að lesa blogg frá ferð sjálfboðaliða til Indands

og Kenía í janúar og febrúar 2013:

http://ferdafjorlaru.blogspot.com

blogs.kilroy.eu/agnes

http://thoreyjona.com

http://aevintyraferd.blogspot.com

 http://selmahilmis.wordpress.com

 Blogg frá fyrri ferðum:

www.berglindeyjolfs.blogspot.com og www.mariposa.blog.is og http://www.herdisgunnars.blogspot.com/ og http://harpaberg.blogspot.com/ oghttp://agnesogarni.blogcentral.is/ oghttp://tarabrynjars.blogcentral.is/