Kvöldverður með Michael

Góðvinur okkar hann Michael Joseph sem hefur starfað með okkur í Vinum Indlands frá upphafi mun dvelja hér frá 19- 26 feb. Hann er að koma í þriðju heimsókn sína hingað og hlakkar til að hitta sem flesta af gömlum vinum, sjálfboðaliðum og styrktarforeldrum.

Við ætlum að bjóða hann velkominn með grand dinner í Múltíkúltí laugardaginn 20. feb. kl. 18:30.  Matseðillinn verður fjölbreyttur enda maturinn búinn til af mörgum. Þar munu grænmetisætur og aðrir finna eitthvað við sitt hæfi. Verðinu er stillt í hóf, en máltíðin kostar 1.500 kr. sem renna mun beint til verkefna Vina Indlands.

Við hvetjum styrktarforeldra barna í Indlandi sérstaklega til að koma og hitta Michael en hann þekkir best til barnanna okkar úti. Ef einhver kemst ekki þetta kvöld, má líka hafa samband og finna tíma síðar. Michael leggur mikla áherslu á að fá að hitta sem flesta. Sjálfboðaliða, styrktarforeldra og alla hina.

Við hlökkum til að sjá ykkur sem allra flest.

Flóð og mikið tjón á Suður Indlandi

Það er ekki bara vont veður á Íslandi.  Núna undanfarið hafa verið gífurlega miklar rigningar á Suður Indlandi sem leitt hafa til mikils tjóns og mannsskaða.  Ástandið er sérstaklega slæmt í Chennai og á svæðinu fyrir sunnan borginni.  Nokkur af þeim heimilum munaðarlausra barna og þær kennslumiðstöðvum sem studd hafa verið af íslenskum styrkarforeldrum í gegnum Vini Indlands hafa orðið fyrir skaða af þessum sökum.  Þeir sem búið hafa nálagt ströndinni og nálægt árfarvegum hafa orðið verst úti.  Samstarfsaðilar okkar í Chennai á Indlandi þurfa núna á hjálp að halda.  Þeir sem sjá sér fært um að styrkja þetta málefni þá má benda á reikning félagsins: 0513-26-206035 kt. 440900-2750 setjið "Chennai" í skýringuna á færslunni.

Indversku litlu jólin (eða Diwali)

Vinir Indlands bjóða þér að njóta með sér kvöldverðar og skemmtunar sunnudaginn 6. desember, kl. 19:00 að Barónsstíg 3, Reykjavík.  Við bjóðum upp á góðan ilmandi indverskan mat.  Við munum heyra frá nýju verkefni sem félagið styður, en það fjallar um að aðstoða konur og börn úr þrælahaldi og byggja upp að nýju til samfélagsþátttöku.  Anna Lára Steindal les upp úr bók sinni Undir fíkjutré, sem fjallar um flóttamann sem sest að hér á landi.  Á staðnum verður lítill markaður með indverskum vörum.
Verð fyrir mat er 2500,- ekkert fyrir börn undir 12 ára. Allur ágóði rennur til verkefnis Rural Women Development Trust á Indlandi sem kynnt verður á kvöldverðinum.

Jólagjafir

Eins og vani er þá tökum við þátt í að gleðja börnin okkar á Indlandi í kringum jólin með því að kaupa ný föt, sætindi og smágjafir. Nú er að hefjast söfnun til þess að standa straum af þessum kostnaði. Velviljaðir mega gjarnan hjálpa okkur því margt smátt gerir sannarlega eitt stórt, um það getum við hjá Vinum Indlands vitnað eftir fimmtán ára reynslu. Söfnunarreikningur er; 0513-26-206035 kt. 440900-2750.

Sjálfboðaliðaferð til Indlands, Kenía og Tanzaníu, janúar 2016

Fjölmenningarmiðstöðin Múltíkúltí hefur undanfarin ár staðið fyrir sjálfboðaliðaferðum fyrir ungt fólk. Um er að ræða 2ja mánaða ferð, dvalið er í tvo mánuði á Indlandi, í Kenía og Tansaníu. Næsta ferð verður farin fyrir miðjan janúar 2016.

Í ferðinni er lögð áhersla á að þátttakendur kynnast landi og þjóð um leið og þeir taka þátt í verkefnum Vina Indlands og Vina Kenía sem unnin eru í samvinnu við þarlenda sjálfboðaliða.  Nánari upplýsingar um ferðina má finna á heimasíðu Múltikúlti.

Næsta ferð sjálfboðaliða til Indlands sumarið 2015

Fjölmenningarmiðstöðin Múltíkúltí hefur undanfarin ár staðið fyrir sjálfboðaliðaferðum fyrir ungt fólk. Um er að ræða 2ja mánaða ferð, dvalið er í tvo mánuði á Indlandi, í Kenía og Tansaníu. Næsta ferð verður farin um miðjan júní2015.

Í ferðinni er lögð áhersla á að þátttakendur kynnast landi og þjóð um leið og þeir taka þátt í verkefnum Vina Indlands og Vina Kenía sem unnin eru í samvinnu við þarlenda sjálfboðaliða. Nánari upplýsingar eru að finna á heimasíða Múltikúlti.

Auk þess sem nánari Nánari upplýsingar um ferðina má fá með því að senda tölvupóst á: kjartan@islandia.is og sol@islandia.is

Ferðir sjálfboðaliða á Indlandi

Undanfarið hafa tveir íslenskir sjálfboðaliðar verið við störf á heimilum munaðarlausra barna sem sum hver hafa notuð stuðnings frá styrktarforeldri á vegum Vina Indlands.  Agnes Þorkelsdóttir hefur verið að vinna á heimilinu í Salem sem notuð hefur stuðnings Vina Indlands í nokkur ár.  Þórarinn Hjartarsson er einnig á Indlandi og hefur hann farið á milli 5 heimili og veitt þeim góðan stuðnings.  Um ferð Þórarins má lesa á síðu á Facebook sem heitir Styrktarsíða fyrir heimili munaðarlausa á Suður Indlandi.

Söfnun Þórarins fyrir heimili munaðarlausra á Indlandi

Við viljum vekja athygli á söfnun Þórarins fyrir heimili munaðarlausra á Indlandi.  Viðtal var við Þórarinn í þættinum Ísland í dag á Stöð 2 í vikunni og er hægt að sjá þá umfjöllun hér.  Einnig var viðtal við Þórarinn í þætti Sirrýar á Rás 2 í Ríkisútvarpinu á síðasta sunnudag.  Báðar þessar umfjallanir hafa vakið góða athygli á söfnuninni.

Þeim sem vilja styrkja þessa söfnun er bent á reikningsnúmer söfnunarinnar sem er nr.: 526 - 14- 603094 kt 440900-2750.

Allt starf í Vinum Indlands er unnið í sjálfboðavinnu og hefur félagið engan skrifstofukostnað. Allt styrktarfé sem safnast í þessari söfnun mun því renna óskipt til heimilanna á Indlandi.