Kristrún Tinna Gunnarsdóttir var á Indlandi fyrir nokkrum mánuðum og heimsótti nokkur af þeim heimilum munaðarlausra barna og öðrum verkefnum sem Vinir Indlands eru að styrkja á Indlandi. Hér má sjá myndband frá heimsókn hennar.
Ferð til Indlands í ágúst 2017
Vinir Indlands eru að hefja undurbúning að hálfsmánaðar ferð til Indlands í ágúst 2017. Ferðin verður skipulögð af Weldone tours India í samstarfið við félagið. Við munum heimsækja barnaheimili og þorp sem við höfum verið að styrkja en einnig heimsækja fræga og undurfagra ferðamannastaði. Ferðin endar á slökun í Kerala héraði við vesturströnd Indland. Í janúar Þann 7. janúar 2017 k. 14:00 mun verða haldinn kynningarfundur um ferðina í húsnæði Múltikúlti, Barónsstíg 3, 101 Reykjavík. Hér má lesa um tilhögun ferðarinnar. En engu að síður ekki seinna vænna að taka frá tíma og byrja að skipuleggja. Þess má geta að stofnuð hefur verið Facebook síða fyrir ferðina.
Kvöldverður hjá Vinum Indlands 3. des. 2016
Við ætlum að snæða saman á laugardagskvöldið gómsætan mat í indverskum stíl. Verð fyrir matinn er 2500,- en frítt fyrir börn yngri en 12 ára. Allur ágóði rennur til menntaverkefnis Vina Indlands.
Yfir matnum munum við kynna ferð sem farin verður til Indlands í ágúst 2017 og starf Vina Indlands.
Kvöldverður hjá Vinum Indlands 1. okt. 2016
Eins og áður hefur verið auglýsti þá mun, fyrsta laugardag í mánuði, verður boðið upp á gómsætan kvöldverð og skemmtun í húsnæði Múltíkúltí, Barónsstíg 3. Annar kvöldverðurinn í vetur verður haldin laugardaginn 1. október kl. 19:00.
Verð fyrir mat er 2000 kr á manninn, ekkert fyrir börn yngri en 10 ára og mun ágóðinn renna óskiptur til verkefna Vina Indlands.
Námskeið – Indland – spennandi saga í 5000 ár.
Seinnipartin í nóvember n.k. mun Illugi Jökulsson halda námskeið í Endurmenntun Háskóla Íslands um sögu Indlands.
Námskeiðið er ætlað fróðleiksfúsum almenningi, sem hefur ekki endilega fyrirfram mikla þekkingu á indverskri sögu, en langar að bæta úr því. Saga landsins spannar langan tíma, glæst stórveldi, mikla niðurlægingu, trúarleiðtoga, herforingja, kónga, drottningar og keisara, og þegar námskeiðinu lýkur á fólk að hafa ágæta mynd af þessari einstaklega litríku sögu. Nánri upplýsingar um þetta áhugaverða námskeið má finna á heimasíðu Endurmenntunar HÍ.
Kynning á sjálfboðaliðaferðum Múltikúlti 2017
Sunnudaginn 25. september, á milli 14:00 og 16:00, verður opið hús í Múltikúlti, Barónsstíg 3, þar sem kynntar verða fyrirhugaðar sjálfboðaliðaferðir á árinu 2017. Allir áhugasamir velkomnir. Einn af möguleikunum sem kynntir verða eru sjálfboðaliðaferðir til þess að vinna á heimilum munaðarlausra barna sem styrktarforeldrar styrkja í gegnum Vini Indlands. Nánari upplýsingar um sjálfboðaliðaferðirnar má finna á heimasíðu Múltikúlti.
Fátæk börn studd til náms
Um síðustu mánaðarmót sendu Vinir Indlands út greiðslu til menntamiðstöðvanna á Indlandi til þess að fjármagna kaup á skólagögnum og skólatöskum sem hjálpar bláfátækum fjölskyldum að koma börnum sínum í skóla. Myndin hér fyrir ofan er frá einni menntamiðstöðunni sem styrkt var.
Tónleikar til styrktar Vinum Indlands – 9. júlí 2016
Tónleikar til styrktar Vinum Indlands verða haldnir kl. 22:00 þann 9. júli n.k. á Café Rosenberg, Klappastíg 25-27. Nánari upplýsingar eru að finna á Facebook síðu viðburðarins.
Reykjavíkurmaraþon 2016
Reykjavíkurmaraþon Íslandsbanka verður haldið þann 22. ágúst n.k. Væri ekki tilvalið að hlaupa fyrir Vina Indlands í Reykjavíkurmarathoninu? Allt fé sem félagið mun fá frá Reykjavíkurmaraþon mun fara óskipt til góðra málefna á Indlandi. Nánari upplýsingar um Reykjavíkurmaraþon eru að finna hér.
Sjálfboðaliðanámskeið – helgina 21-22 maí
Helgina 21. og 22. maí verður sjálfboðaliðanámskeið hjá Múltikúlti frá kl. 10:00 til 14:00 báða dagana. Farið verður yfir hugmyndfræðina á bak við starfið, kynnt verður starfsemi félaganna Vinir Indlands og Vinir Kenía auk þess sem fjallað verður um fyrirhugaða sjálfboðaliðaferð Múltikúlti í sumar (sjá www.multikulti.is).
Verð: 10.000 (dregst frá heildarkostnaði sjálfboðaliða sem fara út í sumar)