Indversk kvikmyndahátið 2025

Indverska sendiráðið á Íslandi stendur fyrir indverskri kvikmyndahátið núna í otkóber og nóvember. Indversku kvikmyndirnar sem sýndar eru á hátíðinni eru með enskum og íslenskum texta. Á hátíðinni verða kvikmyndir sýndar á þremur stöðum þ.e.a.s. í Bió Paradís í Reykjavík, í Veröld í Háskóla Íslands og í Sam Bíó Akureyri.

Í Bíó Paradís í Reykjavík verða sýndar:

11.10.2025 kl. 14:00 Sourarai Pottru

12.10.2025 kl. 14:00 Adi Shankaracharya

09.11.2025 kl. 14:00 Mirch Masala

15.11.2025 kl. 14:00 Viduthalai

16.11.2025 kl. 14:00 Making of Gandhi

Í Bíó Paradís og SamBíó Akureyri verða sýndar:

18.10.2025 kl. 14:20 Chalo America

19.10.2025 kl. 14:20 Jaane Bhi De Yaare

Í Veröld í Háskóla Íslands verða sýndar:

05.11.2025 kl. 16:00 Laapata Ladies

06.11.2025 kl. 15:00 English Vinglish

07.11.2025 kl. 16:00 Zindagi Na Miliegi Dobara

Frítt er inn á myndirnar en fólk verður að tryggja sér miða á sýningarnar með því að skrá sig á þessa síður.

Sá sem að þetta skrifar hefur séð tvær að þeim kvikmyndum sem sýndar verða á hátíðinni og mælir eindregið með kvikmyndinni English Vinglish sem er mjög skemmtileg og ljúf kvikmynd eins og indverski eftirrétturinn Laddu sem kemur við sögu í myndinni. Auk þess sem English Vinglish er mjög mannleg og aðgengileg fyrir íslenska áhorfendur sem aldrei hafa séð indverka bíómynd áður. Hérna er hlekkur á stiklu úr myndinni English Vinglish.

Hin kvikmyndin sem ég hef séð er Zindagi Na Miliegi Dobara. Bollywood "road movie" froða sem gerist á Spáni. Söguþráður myndarinnar er ekki merkilegur. Myndin segir frá ferðalagi vinahóps á Spáni. Leikararnir í kvikmyndarinnar eru stórstjörnur í Bollywood og naut þessi kvikmynd mikilla vinsælda á Indlandi þegar hún kom úr. Tónlistin er líka stór hluti af Bollywood kvikmyndum og eru mörg af lögum þessarar myndir mjög þekkt á Indlandi. Söngur og dans skipa oft stórar sess í Bollywood myndum og er þessi mynd engin undantekning frá því. Tónlistinn í myndinni er skemmtileg blanda af Indverkskri Bollywood tónlist og Spænskri flamenco tónlist. Hérna er hlekkur sem sýndir dæmi um þetta úr myndinni.

Á hátíðinni er einnig merkar myndir um sögulegar persónur eins og Gandhi sem allir ættu að þekkja og sögulegar persónur sem eru minna þekktar á Íslandi eins og Adi Shankaracharya sem var uppi á 8 öld. Hann hefur mikla þýðingu fyrir Hindúa og Indverja almennt og mætti kannski líkja honum við Ara fróða okkar Íslendinga. Við höfum ekki séð þessa mynd um Adi Shankaracharya, þetta er örugglega hin merkasta mynd en viðbúið er að hún sé torskilin þeim sem ekki hafa kynnt sér aðeins sögu Adi Shankaracharya og Hindúisma áður en farið er að sjá þessa kvikmynd.